თბილისში, სასტუმრო შერატონში, საქართველოს პარაოლიმპიური კომიტეტის 20 წლის იუბილე მასშტაბურად აღნიშნეს.
საქართველოს ეროვნული ოლიმპიური კომიტეტის პრეზიდენტმა ლერი ხაბელოვმა AiF-Tbilisi-თან ინტერვიუში განაცხადა, რომ დღეს დიდი სამუშაო კეთდება პარაოლიმპიური მოძრაობის განვითარებისთვის. პარაოლიმპიური კომიტეტის იუბილეს აღნიშვნაზე 2023 წლის შედეგები შეაჯამეს და საუკეთესო სპორტსმენები დაჯილდოვდნენ.
პარაოლიმპიელებს საქართველოს პარლამენტის თავმჯდომარემ შალვა პაპუაშვილმა მიულოცა. მისი თქმით, პარაოლიმპიური კომიტეტის დაფინანსება მნიშვნელოვნად გაიზარდა.
მათ შორის, ვინც სპორტსმენებს ფინანსურად უჭერს მხარს, არის საქართველოს ბანკი.