ყაზახეთის საპატიო საკონსულოს გახსნის საზეიმო ცერემონია გაიმართა გურიის რეგიონში, რომელიც ცნობილია ზღვისა და მთის კურორტებით, როგორიცაა ურეკი, ბახმარო და შეკვეთილი.

ღონისძიებას საქართველოს საგარეო საქმეთა მინისტრის მოადგილე ალექსანდრე ხვთისიაშვილი, ოზურგეთის მერი ავთანდილ თალაკვაძე, პარლამენტისა და საკრებულოს (ადგილობრივი მმართველობის) დეპუტატები, ასევე სოციალურ-პოლიტიკური და ბიზნეს წრეების წარმომადგენლები ესწრებოდნენ.

საპატიო კონსულად ცნობილი ქართველი მეწარმე, ღვინის კომპანია ,,ასკანელი ძმების“  თანამფლობელი გოჩა ჩხაიძე დაინიშნა, რომელიც თავადაც გურიიდანაა.

ცერემონიის გახსნისას ყაზახეთის ელჩმა მალიკ მურზალინმა აღნიშნა, რომ საქართველოს ერთ-ერთ საინტერესო ეკონომიკურ, კულტურულ და ტურისტულ რეგიონში ყაზახეთის საპატიო საკონსულოს გახსნა ყაზახურ-ქართულ მხარეებს შორის მაღალი დონის ურთიერთობების არსებობის, კურსის გაგრძელების და გაძლიერების კიდევ ერთი დასტურია.

თავის მხრივ, საქართველოს საგარეო საქმეთა მინისტრის მოადგილემ ალექსანდრე ხვთისიაშვილმა მადლობა გადაუხადა ყაზახურ მხარეს მის ქვეყანაში კიდევ ერთი საპატიო საკონსულოს გახსნის გადაწყვეტილების გამო. მან აღნიშნა, რომ ყაზახეთი საქართველოს მნიშვნელოვანი პარტნიორია და ოფიციალური თბილისი დაინტერესებულია ასტანასთან თანამშრომლობის გააქტიურებით, როგორც ორმხრივ, ასევე მრავალმხრივ ფორმატში.

ქალაქ ოზურგეთის მერმა ა. თალაკვაძემ იმედი გამოთქვა, რომ ეს ინსტიტუტი ხელს შეუწყობს ორი რესპუბლიკის რეგიონებსა და ქალაქებს შორის ეკონომიკური თანამშრომლობის გაფართოებას, ინვესტიციების ზრდას, ტურიზმის განვითარებას და სამეცნიერო და კულტურულ სფეროში გამოცდილების ურთიერთგაცვლას.

სიტყვით გამოსვლისას საპატიო კონსულმა გოჩა ჩხაიძემ მადლობა გადაუხადა ორივე სახელმწიფოს მის მიმართ გამოჩენილი ნდობისთვის