2026 წლის 22 ოქტომბერს, ბათუმში გაიმართა შეხვედრა თურქმენეთის მინისტრთა კაბინეტის თავმჯდომარის მოადგილეს, საგარეო საქმეთა მინისტრ რაშიდ მერედოვსა და საქართველოს ვიცე-პრემიერს, საგარეო საქმეთა მინისტრ მაკა ბოჭორიშვილს შორის.

შეხვედრისას მინისტრებმა ხაზი გაუსვეს მიმდინარე წლის ივლისში თურქმენეთის პრეზიდენტის, სერდარ ბერდიმუჰამედოვის საქართველოს სახელმწიფო ვიზიტის მნიშვნელობას.

მხარეებმა განიხილეს ორმხრივი ურთიერთობების განვითარების პერსპექტივები პოლიტიკურ-დიპლომატიურ, სავაჭრო-ეკონომიკურ, სატრანსპორტო-ლოგისტიკურ და ჰუმანიტარულ სფეროებში.

ამ კონტექსტში, ხაზი გაესვა არსებული სატრანსპორტო დერეფნების პოტენციალის სრულად ათვისებისა და სატრანზიტო შესაძლებლობების გაფართოების მნიშვნელობას.

განსაკუთრებული ყურადღება დაეთმო თანამშრომლობას გაერთიანებული ერების ორგანიზაციისა და სხვა საერთაშორისო ორგანიზაციების ფარგლებში.

შეხვედრის დასასრულს, მხარეებმა კიდევ ერთხელ დაადასტურეს ორმხრივი ურთიერთობების შემდგომი გაძლიერების სურვილი და გამოთქვეს მზადყოფნა, გააგრძელონ კონსტრუქციული დიალოგი თანამშრომლობის მიმდინარე საკითხებთან დაკავშირებით.