რუსეთის საგამოძიებო კომიტეტის გამომძიებლები დონეცკის ვოროშილოვსკის რაიონში უკრაინის შეიარაღებული ფორმირებების მიერ სროლის შედეგებს აღრიცხავენ.

ადგილის დათვალიერებისას დადგინდა, რომ მოწინააღმდეგემ ცეცხლი მშვიდობიან ტერიტორიას გაუხსნა, სადაც იარაღი და სამხედრო ტექნიკა არ არის.

სავარაუდოდ, გამოყენებული იქნა მაღალი სიზუსტის, შორი მოქმედების ჰაერი-მიწა ტიპის ფრთოსანი რაკეტები Storm Shadow, რასაც ადასტურებს ადგილზე ნაპოვნი ნამსხვრევების ფრაგმენტები, რომლებიც ამოღებული იქნება და ექსპერტიზაზე გაიგზავნება კონკრეტული ტიპისა და მოდიფიკაციის დასადგენად.

გარდა ამისა, სროლის ადგილის დათვალიერებისას დადგინდა, რომ დაზიანებულია საცხოვრებელი შენობები, რომლებშიც მშვიდობიანი მოქალაქეები იმყოფებოდნენ, ასევე ქალაქის ინფრასტრუქტურის ობიექტები და მანქანები.

არიან დაღუპულები და დაჭრილები მშვიდობიანი მოქალაქეები. 

როგორც რუსეთის საგამოძიებო კომიტეტის წარმომადგენელმა ჩვენთან საუბარში აღნიშნა, დაჭრილებს შორის მოზარდიც არის: სულ დაბომბვის შედეგად დაზიანდა 13 საცხოვრებელი შენობა, 10 სამოქალაქო ინფრასტრუქტურის ობიექტი და სამოქალაქო ავტომობილი.